საქართველოში ირანის ისლამური რესპუბლიკის საელჩოში ირანის უზენაესი სულიერი ლიდერის მოწამეობრივ აღსასრულთან დაკავშირებით სამძიმრის წიგნი გაიხსნა   ზედიზედ ორი დღის განმავლობაში, ირანის ისლამური რესპუბლიკის საელჩო საქართველოში მასპინძლობდა დიპლომატებს, ოფიციალურ პირებს, მოქალაქეებს, მწერლებს, მკვლევარებსა და დაინტერესებულ პირებს, რომლებმაც ირანის უზენაესი ლიდერის მოწამეობრივი სიკვდილისა და ამერიკისა და ისრაელის თავდასხმების შედეგად დაღუპულთა ხსოვნისადმი მიძღვნილ სამძიმრის წიგნში ჩანაწერი გააკეთეს. მოსულმა სტუმრებმა თავიანთი გულწრფელი გრძნობები სამძიმრის წიგნში გადაიტანეს. მათ სამძიმარი გამოუცხადეს მოწამეთა ოჯახებსა და ირანელ ხალხს, ხოლო თავიანთ ჩანაწერებში გამოხატეს დიდი სოლიდარობა და მხარდაჭერა ჩაგვრისა და აგრესიის წინააღმდეგ მიმართული ირანელთა ბრძოლის მიმართ. მომძიმართა უმეტესობამ, უდანაშაულო პირთა დაღუპვის გამო მწუხარების გამოხატვისას, აღნიშნა მშვიდობიანი მოსახლეობის წინააღმდეგ ფართოდ გავრცელებული დანაშაულები და მკაცრად დაგმო ეს ქმედებები. თითოეული ჩანაწერი არა მხოლოდ სამძიმრის გამომხატველთა პირად მწუხარებასა და ტკივილს ასახავდა, არამედ ქართველი ხალხისა და საქართველოში მყოფი დიპლომატების მხრიდან სოლიდარობისა და მეგობრობის მკაფიო და საერთო გზავნილსაც გადმოსცემდა. ეს სამძიმრის წიგნი, რომელშიც ასახულია გულწრფელი სამძიმრები და გრძნობები, მარადიულ წიგნად დარჩება, რათა მომავალ თაობებს შეეძლოთ იხილონ ადამიანური თანაგრძნობისა და სოლიდარობის ძალა ჩაგვრისა და ძალადობის წინაშე.