ბირთვული იარაღის სრული ლიკვიდაციის საერთაშორისო დღე

დღეს, ბირთვული იარაღის სრული ლიკვიდაციისთვის ბრძოლის საერთაშორისო დღეს, ჩვენ ხაზს ვუსვამთ ბირთვული განადგურების საფრთხისგან თავისუფალი სამყაროს სასიცოცხლო მნიშვნელობას.

მიუხედავად იმისა, რომ მსოფლიო სამართლიანადაა ორიენტირებული ბირთვულ განიარაღებაზე, გვსურს კიდევ ერთხელ დავადასტუროთ ირანის ისლამური რესპუბლიკის ურყევი ერთგულება მისი ბირთვული პროგრამის მშვიდობიანი ხასიათისადმი. ირანი, როგორც ბირთვული იარაღის გაუვრცელებლობის შეთანხმების (NPT) ღირსეული წევრი, რომელიც მკაცრი საერთაშორისო ინსპექტირების ქვეშ იმყოფება, ყოველთვის ადასტურებს, რომ მისი ბირთვული საქმიანობა ცალსახად მშვიდობიან მიზნებს ისახავს.

ამასთან, ჩვენ უნდა დავუპირისპირდეთ სიონისტური რეჟიმის არაღიარებული ბირთვული არსენალის შემაშფოთებელ რეალობას და მის უარს ბირთვული იარაღის გაუვრცელებლობის შეთანხმებაში (NPT) გაწევრიანებაზე. ეს მდგომარეობა სერიოზულ საფრთხეს უქმნის რეგიონულ მშვიდობასა და უსაფრთხოებას. ისრაელის ბირთვული არაგამჭვირვალობა და მისი გამორიცხვა საერთაშორისო გაუვრცელებლობის ინიციატივებიდან დესტაბილიზაციას ქმნის ჩვენს რეგიონში და ზრდის ბირთვული იარაღის გავრცელების საფრთხეს.

ამ დღესთან დაკავშირებით, მოვუწოდებთ საერთაშორისო საზოგადოებას, აღიაროს ყველა ერის ხელშეუვალი უფლება, აწარმოოს ბირთვული ენერგია მშვიდობიანი მიზნებისთვის, როგორიცაა სუფთა ელექტროენერგიის გამომუშავება, აუცილებელი სამედიცინო იზოტოპების წარმოება. ჩვენი საერთო პასუხისმგებლობაა, გავაძლიეროთ და დავიცვათ ბირთვული იარაღის გაუვრცელებლობის შეთანხმების პრინციპები გლობალური მშვიდობისა და უსაფრთხოების განვითარებისათვის.

ჩვენ ასევე მოვუწოდებთ საერთაშორისო საზოგადოებას, მოახდინოს ზეწოლა სიონისტურ რეჟიმზე, რათა შეუერთდეს ბირთვული იარაღის გაუვრცელებლობის შეთანხმებას და აღიაროს ბირთვული იარაღის სრული აღმოფხვრის ვალდებულება.

დაე, გავაგრძელოთ საყოველთაო ძალისხმევა სამყაროსკენ ბირთვული იარაღის გარეშე, რაც საშუალებას მისცემს ქვეყნებს, გამოიყენონ ბირთვული ენერგიის პოტენციალი მთელი კაცობრიობის უკეთესი მომავლისთვის.